Elurrak eragindako alerta meteorologikoa

Jarraitu Laboral Kutxaren honako aholku hauei

Eska ezazu errepideei eta egoera meteorologikoari buruzko aurretiazko informazioa.
Eguraldia benetan txarra denean, bidaia bertan behera uztea da gomendagarriena. Ahal izanez gero, erabili garraio publikoa.
Nolanahi ere, bidaiatzea ezinbestekoa baldin bada, aztertu pneumatikoen, balazten eta izotz-kontrakoaren egoera, eraman beti kateak, erregai-tanga beteta, eta ez ahaztu berokiak. Eta ahal izanez gero, eraman beti telefono mugikorra, batez ere bigarren mailako errepideetan gidatu behar baduzu. Oso gomendagarria da neguko pneumatikoak erabiltzea.
Gidatu poliki, izotz-plakarik balego adi, batez ere laiotzean edo gune itzaltsuetan.
Utz ezazu aurreko ibilgailuarekiko ohikoa baino segurtasun-tarte handiagoa.
Ez egin tupusteko noranzko-aldaketarik. Gida ezazu bolantea suabe mugituz.
Izoztuta dagoen zona batera sartzen zarenean, ez zapaldu galda, utzi ibilgailuari zona hori bere inertziaz zeharka dezan.
Erabil itzazu neguko pneumatikoak, eta halakorik ez baduzu eta izotza edo elur gogorra baldin badago, edo zirkulazioko agenteek hala agintzen badizute, jarri kateak kotxeari.
Kontuz berotzeko sistema osagarriekin –su-ontziak eta estufak, adibidez– etxeko ezbeharrak eragiteko duten arriskuagatik.