Hotz-boladak eragindako alerta meteorologikoa

Jarraitu Laboral Kutxaren honako aholku hauei

Jantzi zaitez modu aproposean, batez ere kanpora irteten zarenean. Babes itzazu eskuak eta burua batez ere, erabili oinetako egokiak, eta estali ahoa, aire oso hotza arnas ez dezazun.
Erregai-erreserbak optimizatzeko helburuz, ez berotu etxe osoa; hobe da gelak ixtea eta berogailuaren erabilera ezinbestekora mugatzea.
Kontuz berotzeko sistema osagarriekin –su-ontziak eta estufak, adibidez– etxeko ezbeharrak eragiteko duten arriskuagatik.
Eska ezazu errepideei eta egoera meteorologikoari buruzko aurretiazko informazioa.
Eguraldia benetan txarra denean, bidaia bertan behera uztea da gomendagarriena. Ahal izanez gero, erabili garraio publikoa.
Nolanahi ere, bidaiatzea ezinbestekoa suertatzen baldin bazaizu, aztertu pneumatikoen, balazten eta izotz-kontrakoaren egoera, eraman beti kateak, erregai-tanga beteta, eta ez ahaztu berokiak. Eta ahal izanez gero, eraman beti telefono mugikorra, batez ere bigarren mailako errepideetan gidatu behar baduzu.
Gidatu poliki, izotz-plakarik balego adi, batez ere laiotzean edo gune itzaltsuetan.
Utz ezazu aurreko ibilgailuarekiko ohikoa baino segurtasun-tarte handiagoa.
Ez egin tupusteko noranzko-aldaketarik. Gidatu bolantea suabe mugituz, eta erabili martxa laburrak.
Izoztuta dagoen zona batera sartzen zarenean, ez zapaldu galga, utzi ibilgailuari zona hori bere inertziaz zeharka dezan.
Izotza edo elur gogorra aurkitzen baduzu, edo zirkulazioko agenteek hala agintzen badizute, jarri kateak.